我認識的蔡玉玲是個令人印象難忘的好記者，甚至令我驚訝「世上居然有人咁鍾意做記者！」幾年前我為港台拍攝電視節目《我係乜乜乜》與她合作，每一集、每一個細節，她和港台團隊都好認真，背後是龐大的資料蒐集。之後我和蔡玉玲一直保持聯絡，她為了做個好記者犧牲了很多，每次看見她的調查報道我都很佩服。我自己也是中大新聞系出身，我知道做記者的辛酸，要做到《鏗鏘集 721誰主真相》這種梁家榮口中新聞學教材的水準，可以想像背後付出了多少時間、心血、通咗幾多晚頂、一次又一次翻睇閉路電視睇到眼盲，如何組織海量的資料、抽絲剝繭發掘真相，這需要多少年的經驗和專業知識？但最重要係，如果冇信念，如果唔係依然相信真相係呢座黑到不能再黑的城市的一點光，早就放棄了做記者。我告訴你，能夠堅持到今時今日的香港記者，不是普通人，濫捕傷害不了他們的尊嚴，只會令全世界看得更清楚，得啦，明曬喇，721冇警黑勾結丫嘛，知㗎喇，唔使再靠拉記者去提醒全世界喇。